Бишімбаев Уәлихан Қозыкеұлы

ДерекнамаМақалаларСуреттер

Бишімбаев Уәлихан Қозыкеұлы

Қазақстан Республикасы Парламенті Мәжілісінің депутаты, Қазақстан Республикасы Ұлттық Ғылым академиясының, Халықаралық инженерлер академиясының, ҚР Ұлттық инженерлер академиясының, Халықаралық педагогикалық Білімдер академиясының, Халықаралық жоғары мектеп академиясының академигі, техника ғылымдарының докторы, профессор, Қазақстан Республикасының Білім, Ғылым және техника саласындағы мемлекеттік сыйлығының лауреаты.

1946 жылы 27 қазанда Шымкент облысы Түлкібас ауданы Ванновка селосында туылған. Білімі жоғары, 1968 жылы Қазақ химия-технология институтын, 1972 жылы Д.И. Менделеев атындағы Мәскеу химия-технология институтын бітірген.

1968 жылдан бастап—Қазақ химия-технология институтының (Шымкент) ассистенті, 1969 жылдан бастап—Мәскеу химия-технология институтының оқытушысы. 1973 жылдан бастап- Қазақ химия-технология институтының аға оқытушысы. 1974 жылдан бастап Қазақ химия-технология институтының бейорганикалық заттар технологиясы кафедрасының меңгерушісі. 1976 жылдан бастап Жамбыл гидромелиоративті-құрылыс институты Қызылорда филиалының директоры, қосымша аға оқытушы, жалпы техникалық пәндер кафедрасының доценті. 1990 жылдан бастап Қызылорда агроөнеркәсіптік институтының ректоры. 1998 жылдан бастап М.Х.Дулати атындағы Тараз мемлекеттік университетінің ректоры.2001 жылдан – 2012 жылға дейін  М.Әуезов атындағы Оңтүстік Қазақстан мемлекеттік университетінің ректоры болып еңбек етті.

2012 жылдың қаңтар айынан бастап 5-ші сайланан Қазақстан Республикасы Парламенті Мәжілісінің депутаты.

Академик Бишімбаев В.К.- қоршаған ортаны қорғау  және табиғат ресурстарын тиімді пайдалану, бейорганикалық заттардың технологиясы, құрылыс және силикатты материалдар саласындағы ірі ғалым, Қазақстандық отандық ғылымды дамытуға зор үлес қосқан педагог, Ғылым және жоғары білім ұйымдастырушысы, ғылым докторы. Докторлық диссертациясының тақырыбы-«Батыс Қазақстан мен Арал бойынан мұнайбитуминозды жыныстары мен кондицияланбаған шикізатын тиімді пайдалану» (1991ж). Экология және табиғат ресурстарын тиімді пайдалану профессоры. (1992ж.) Көп жылдар бойы Қазақстанның мұнайбитуминозды жыныстарын пайдалана отырып құрылыс, керамикалық және селикаттық, гидрооқшаулау, жол, гидротехникалық материалдар алу, мұнайды тереңдете қайта өңдеу мен мұнайбитуминозды жыныстар, жоғары дәрежелі таза бейорганикалық материалдар технологиясы (күн кремниі, фосфор, фосфор қышқылы), қазақстанның техногенді қалдықтарын қайта өңдеу мен жарату саласында қолданбалы зерттеулерге басшылық атқарып келеді.

В.Қ.Бишімбаевтың ғылыми жетекшілік атқаруымен 12 докторлық және 30 кандидаттық диссертация қорғалды. Қазіргі таңда оның басшылығымен 2 докторлық және 3 кандидаттық диссертация орындалуда. Ол 12 монографияның, 29 оқулық пен оқу құралдарының, елімізде және шетелде жарияланған 800-ден аса Ғылыми мақалалардың авторы. Ол өз өнертабысы бойынша 130-дан аса авторлық куәліктерге, патенттерге және инновациялық патенттерге ие.

2005 жылы «Құрылыс материалдары», «Сәулеттік материалтану», «Бетондағы пластмассалар», «Гидроизоляциялық материалдар» атты оқулықтары жарыққа шықты. 2006-2007 жылдары 6 томдық «Бейорганикалық заттардың химиялық технологиясы» оқулығы шықты. 2009 жылы «Құрылыс және селикат материалды-шикізаттық және технологиялық базасы», «Құрылыс материалдарынан зертханалық жұмыстар», «Қазақстанның оңтүстігіндегі құрғақшылық жағдайда мұнайдан ластанған топырақтар мен сарқынды суларды тазалау үшін биотехнологияны пайдалану» атты монографиялары жарық көрді.

Стратегиялық міндеттерді шешуде мол тәжірибеге ие бола келе, ірі ғалым ретінде қалыптасқан, айрықша көшбасшылық қасиет пен стратегиялық міндеттерді шешуде мол тәжірибеге ие Валихан Қозыкеұлы Қазақстан экономикасының инновациялық дамуына үлес қосуда өзінің азаматтық парызы деп санайды. ҚР Ұлттық ғылым академиясы Оңтүстік Қазақстан бөлімінің, ОҚО бойынша Ұлттық инженерлер академиясы филиалының басшысы бола отырып, ол өндіріске ғылыми зертеу нәтижелерін ендіру бойынша Қазақстанның Оңтүстігі ғалымдарының күшін үйлестіре білді. Мұның өзі маңызды экономикалық нәтижеге қол жеткізу мен  аймақтық  нәтижелілігін арттыруға мүмкіндік берді. В.Қ.Бишімбаев жетекшілігімен химиялық технология, минералды шикізат пен техногенді қалдықтарды қайта өңдеу саласында атқарылған ғылыми жұмыстар ғылым және техника саласындағы мемлекеттік сыйлық пен атап өтілді.

Қоғамдық қызметі ҚР Ұлттық Кеңесіндегі, ҚР Білім және ғылым министірлігі білім және ғылым саласындағы қадағалау мен аттестаттау комитетіндегі жұмыстармен байланысты болды. Бишімбаев В.Қ.-Облыстық мәслихаттың депутаты, Оңтүстік аймақтық ЖОО ректорлары кеңесі Ассоциациясының төрағасы, ҚР ҰҒА және ҰИҒА Оңтүстік бөлімінің төрағасы, ҚР ҰҒА төралқасының мүшесі, «Оңтүстік Қазақстан» ғылымы мен білімі», «М.Әуезов атындағы ОҚМУ-дың ғылыми еңбектері», ҚР Инженерлік академиясының «Мұнай және газ» ғылыми журналдарының, ОҚМУ аспиранттары, магистранттары, сынақшы-зерттеушілері еңбектері жинағының, химия-технологиялық білім бойынша Ресей ОӘБ мүшесі.

В.Қ.Бишімбаев «Нұр Отан» халықтық демократиялық партиясы Республикалық саяси кеңесінің, Облыстық саяси кеңес бюросының мүшесі. Облыстық маслихатта «Нұр Отан» ХДП депутаттық фракциясын басқарады.

М.Әуезов атындағы Оңтүстік Қазақстан мемлекеттік университетінің ректоры бола отырып, Бишімбаев В.Қ. ЖОО-ны еліміздің жетекші ғылыми-зерттеу және білім орталығы етуде маңызды ұйымдастыру жұмыстарын жүргізді.

Қазақстандағы алғашқы жоғары оқу орындарының алғашқы қатарында ОҚМУ инновациялық оқыту технологиясын, кредиттік оқу жүйесін, сапа менеджменті жүйесін енгізді. Соңғы жылдары университет Қазақстан ЖОО рейтингі бойынша алғашқы бестіктен көрінуде. Университет жеңіп алынған мемлекеттік білім гранттары бойынша жақсы көрсеткішке ие. 2009 жылы Республика бойынша 2-орын алды.

Бишімбаев В.Қ. университеттің материалды-техникалық және зертханалық базасын нығайту мен жаңартуға ерекше көңіл бөледі. Оқу және ғылыми зертханалар техникалық тұрғыдан қайта қарурандырылды. Бұл университеттің «Конструкциялық және биотехнологиялық материалдар» ашық типтегі зертхана және студенттік бизнес-инкубатор құру конкурсында жеңімпаз атануына, ОҚО технологиялық паркін құрудың техника-экономикалық негіздемесін дайындауына мүмкіндік берді.

ОҚМУ ректоры В.Б.Бишімбаевтың бастамасымен университетте шетел тілінде оқыту енгізілді. Осы мақсатта ол Лингвистикалық орталық ашты, қазіргі таңда мұнда университет студенттері мен оқытушылары шетел тілдерін үйренуде. Университет жетістіктері Халықаралық және Республикалық конкурстарда лайықты бағаланып келеді. 

В.Қ.Бишімбаевтың  жетекшілігімен ОҚМУ Еуропа жоғары оқу орындары ассоциациясының (EURASHE), Еуропа университеттері ассоциациясының (Magna Charta Universitat), Еуропа Білім консорциумының мүшесі атанды. Университет АҚШ, Германия, Ұлыбритания, Ресей және т.б. елдердің университеттерімен халықаралық байланыс орнатқан. Франсуз, Иран оқырман залдары, сондай-ақ Үндістан Елшілігі Мәдени орталығының бастамасымен ұйымдастырылған үнді орталығы құрылды.

Спорт базасын жетілдіру бойынша атқарылған жұмыстар ОҚМУ студенттерінің спорттық шеберлік деңгейін арттыруға және Республикалық универсияданың 3 мәрте чемпионы атануға мүмкіндік берді. Олимпидаға қатысушы студенттер саны төртеуден онға дейін  ұлғайды.

Білім беру қызметіндегі жоғары жетістіктер ОҚМУ-ға ASIIN  Еуропалық аккредиттеу агенттігінен (Германия) 7 білім бағдарламасы бойынша халықаралық аккредитациядан өткен Қазақстандық алғашқы ЖОО атануына мүмкіндік берді. Жоғары оқу орнын басқарған соңғы бірнеше жылдарында ақпараттық технологиялар мамандықтарын аккредиттеуден өткізуге дайындық жұмыстарын жүргізді.

Бишімбаев В.Қ. келесі үкіметтік атақ және наградалармен марапатталған: «Құрмет белгісі» ордені (1982ж.), «Қазақстанға еңбегі сіңген қызметкер» ордені (1996ж.), «Қазақстан Республикасының Білім беру үздігі» атағы (1996ж.), «Астана» медалі (1998ж.), «ҚР тәуелсіздігіне 10 жыл» медалі (2001ж.), «ҚР Білім беру ісінің құрметті қызметкері» атағы (2002ж.), «Құрмет» ордені (2003ж.), «ҚР Еңбек сіңірген Ғылым қайраткері» (2003ж.), «Ахмет Байтұрсыновтың күміс медалі»(2005ж.), ҚР Білім, ғылым және техника саласындағы мемлекеттік сыйлығының лауреаты (2005ж.), «Қазақстанның құрметті инженері» (2005ж), «ҚР Парламентінің 10 жылдығы құрметіне» медалі (2006ж.), ҚР БҒМ және ҚР Әділет министірлігінің өнертабыс саласындағы жетістіктері Республикалық конкурсының дипломы (2006ж.), «Астанға 10 жыл» медалі (2008ж.), А.Байтұрсыновтың алтын медалі (2008ж.), «Парасат» ордені (2009ж.), «Қызылорда қаласының құрметті азаматы атағы» (2009ж.)

Жоғары оқу орнын басқарудағы В.Қ.Бишімбаевтың қызметі екі рет «ЖОО үздік ректоры» номинациясын берумен атап өтілді.(2006ж., 2007ж.).

Content 2
Content 3

Пікір білдіру

Security code
Жаңарту