Шығайұлы Дәулеткерей

ДерекнамаМақалаларСуреттер

Шығайұлы Дәулеткерей (1814-1887) - қазақтың әйгілі үйші-композиторы, төре күйлерінің негізін қалыптастырушы. Бұрынғы Бөкей ордасында, қазіргі Батыс Қазақстан облысының Орда ауданына қарасты Қарамола деген жерде дүниеге келіп, өзінің ата қонысынан топырақ бұйырған. Ата-бабасы Өріс (Орыс) ханнан бері қарай хандық биліктен қол үзбеген. Бөкей хан өлген соң, Дәулеткерейдің әкесі Шығай сегіз жылдай Бөкей ордасына хандық билігін жүргізген.

Дәулеткерей төре күйлерінің дәстүрін біржолата орнықтырып, төре тартысты тұтас бір мектеп ете алған адам. Сондықтан да болар, Дәулеткерейді академик А.Жұбанов "төре күйлерінің атасы" дейді.

Әрине, Дәулеткерей тақыр жерден өнген дарын емес. Ол өскен ортада күйшіліктің әбден қалыптасқан дәстүрі болған. Соқыр Есжан, Байжұма, Мүсірәлі сияқты күйші-домбырашылар Орда төңірегіне құлақ түргізген дарын иелері еді. Дәулеткерей осы күйшілердің дәстүрін шабыт тұғыры еткен. Әсіресе, оның күйшілік өнерге елдік мазмұн дарытып, шабыт жанығандай күй кешуіне Құрманғазымен кездесуі себепші болады. Қос ұлы күйші іштей түсінісіп, жан-жүректері жарасып, тіптен, бір-біріне күй арнайды.

Дәулеткерей бойындағы дарынның тек-тамыры сөз болғанда өзі шыққан әулеттің өнерпаздық дәстүрін де айта кеткен жөн. Бөкей ордасындағы төре тұқымдарының арасында хандық билікті күйттеуден гөрі өнер мен ғылымға құлай берілгендері де аз болмаған. Дәулеткереймен немере болып келетін Мұхит бүкіл Кіші жүздегі ән мектебінің туын көкке шанышқан дарын.

Сондай-ақ, Арынғазы, Жантөре, Өрейжан сияқты өкше басар інілері де төңірегін күймен баураған өнерпаздар болған. Тіптен, бел баласы Салауаттың өзі сұлтандық билікті тәрік етіп, күйден көбірек жұбаныш тапқан. Дәулеткерейдің туған жиені Бөкейханов Науша бүкіл өмірін нағашысының күйлерін насихаттауға арнаса, екінші жиені, Орынбордың кадет корпусын бітірген дарынды түлек Бабажанов Салық бүкіл өмірін халықты билеуге емес, ғылым-білімге арнаған.

Дәулеткерей алғаш рет жастық сезімнің қарлығашы сияқты" Ақжелең", "Қосалқа" сияқты күйлерін шығарған. Дарынды күйшінің жарқын сезімге, сұлу суреттерге бай өзіндік қолтаңбасы осы күйлерінің өзінен-ақ айқын анғарылады. Жастық шағында ұлы күйшінің жақсыға қызыққаны, жүйрікке қүмартқанын, сүлуға сүйсінгенін, тіптен жастыкқа жарасатын жалын сезімге бой алдырған сәттерінің аз бол-мағанын байқау қиын емес. Бүған оның "Кыз Ақжелең", "Қосалқа", "Ысқырма", "Желдірме", "Қоңыр", "Қүдаша" сияқты күйлерінің тақырыбы ғана айғақ емес, ең алдымен осы күйлердің жүрек тербер сазы, калтқысыз сезімі, бозбаладай елпілдеген мінезі куә.

Дәулеткерей өзі туып-өскен ортадағы елжұрттың тағдыр-тіршілігіне ерте араласқан. Хан-сұлтандықтың өз төңірегіне ғана түгін дүрдиткені болмаса, күні өтіп бара жатқан қаугөрік халін ерте түсінген. Орданың ғана емес, байтақ елдің тағдыр-талайы отаршылдықтың қыл тұзағына шырмалғанын ерте сезінген. Дәулеткерейдің, ең бір драмалық шиеленіске толы күйлері осындай ахуалмен байланысты дүниеге келген. Ол "Тартыс", "Шолтақ", "Топан", "Жігер" сияқты күйлері арқылы өзі куә болған өмірдің қан-сөлін сорғалатып көрсете отырып, сол өмірге суреткер ретінде өз үкімін айтқан. Әсірісе, "Жігер" күйінің жөні бөлек. "Жігер" Дәулеткерейдің ғана шыкқан биігі емес, бүкіл қазақ күйлерінің асқар белі.

Егер, дүние шіркіннің дидарында осынау фәни жалғанға жылап келіп, жылап кететін Адам құдіреттің көңілін жұбататын, жүрегін жылытатын, санасын сергітетін бір құбылыс болса, ол — Дәулеткерейдің күйлеріндей-ақ болар. Ұлы күйші қиын заманның қасірет қамауына тап болған бейбақ халқын домбырасымен жұбатқан.

Дереккөз: М. Жолдасбекұлы, Қ. Салғарұлы, А. Сейдімбек. Ел тұтқа. - Астана: KUL TEGIN. - 2009.

Content 2
Content 3

Пікірлер  

# Анель Муканава 2016-01-28 12:17
маған Дәлеткереи Шығаиұлы ұнаиды оиткені ол дәулеткереи композитор
Жауап беру | Дәйкесөзмен жауап беру | Дәйексөз
# аружан 2016-01-28 12:15
оте оте жаксы бирак мында туган жылы жане олген жылы баскаша келген мында 1818 1887 ал китапта 1820 1883 жыл карандар достар
Жауап беру | Дәйкесөзмен жауап беру | Дәйексөз

Пікір білдіру

Security code
Жаңарту