Тасмағамбетов Иманғали Нұрғалиұлы 1956 жылғы 9 желтоқсанда Батыс Қазақстан, Гурьев облысы, Махамбет ауданы, Новобогат ауылында дүниеге келді.

1979 жылы Орал қаласының А.С. Пушкин атындағы педагогикалық институтын жағрафия мен биология пәндерінің мұғалімі мамандығы бойынша бітірген.

1990 жылы «Дүниетану аспектілерінің экологиялык проблемасы» тақырыбы бойынша диссертациялық жұмыс қорғап, философия ғылымдарының кандидаты атағына ие болды.

7 жылдан кейін ол «Транзиттік саяси жүйелеріндегі әлеуметтік саясат» ғылыми зерттеу жұмысын таңдап, саясаттану ғылымдарының докторы болып атанды.

1981 жылдан 1991 жылға дейін КОКП ОК-ң мүшесі, 1990-1991 жылдарда Қазақстан ОК компартиясының Политбюро мүшесі болды.

Қазақстан Реcпубликасының Жоғарғы Кеңесі 12 шақырылымының депутаты болып сайланды. Еңбегі мен саяси өмірбаяны сол кездегі жалғыз жастар саяси ұйымы - Қазақстанның ЛКЖО-да басшылық қызметімен байланысты.

1979 жылдан Махамбет ауданындағы ЛКЖО ұйымдастыру бөлімінің меңгерушісі, Гурьев ЛКЖО қалалық комитет және облыстық комитетінің бірінші хатшысы болды.

1989 жылы ЛКЖО ОК, 1991 жылы Қазақстан Республикасының жастар ісі жөніндегі Мемлекеттік комитетін басқарды.

1993 жылы И. Тасмағамбетов Қазақстан Республикасы президентінің көмекшісі болып тағайындалады.

1995 жылдан бастап, жоғарғы билік орындарында жұмыс атқарып, Қазакстанның вице-премьері, білім және мәдениет вице-премьер-министрі, Қазақстан Республикасының Президенті әкімшілігі жетекшісінің орынбасары, Қазақстан Президентінің бірінші көмекшісі, Атырау облысының әкімі, Казақстанның премьер-министрі, Мемлекеттік хатшы, Қазақстан Президенті әкімшілігінің жетекшісі болды.

2004 жылғы желтоксаннан  2008 жылғы сәуір айына дейін Алматы қаласының әкімі қызметін атқарды.

2008 жылғы сәуір айынын бастап, Астана қаласының әкімі болып тағайындалды.

ҚР қауіпсіздік кеңесінің мүшесі, «Мәдени мұра» атты Мемлекеттік бағдарламаның қоғамдық кеңесінің төрағасы, UNESKO ісі жөніндегі ҚР Ұлттық комиссиясының төрағасы, Қазақстан Республикасының оқпен ату Федерациясының құрметті президенті, академик А. Х. Марғұлан атындағы Халықаралық қор басқармасының төрағасы. И. Тасмағамбетов Монғолияға, Батыс Қазақстанға және РФ-ның Астрахан облысына (Каспий: мұнай және мәдениет және т. б. жерлерге Халықаралық мәдениеттанушылық экспедициялар ұйымдастырған. Соның нәтижесінде, 2000 ж. Монғолиядан Қазақстанға ежелгі Күлтегін тас хаты кайтарылды.

Оншақты кітаптардың және көптеген ғылыми еңбектердің авторы. Мәдениеттану, мемлекеттік басқару, әлеуметтік-экономикалық өркендеу проблемалары және саясаттануға байланысты мақалалардың авторы.

"Парасат" ордені (1998 ж.), Қазақстан Республикасыньң бірінші Президенті Н. Ә. Назарбаевтың ордені (2004 ж.), Орыс Православ Шіркеуінің «Мәскеулік Даниил қасиетті патшасының» ордені, Ресей Федерациясыньң "Достық" орденімен және т. б. марапатталған.

И. Тасмағамбетов өзі айтқандай: «Мен ырымшыл емеспін, бірақ атеист те емеспін». Қазақстан тарихы, этнографиясы, археология мәселелеріне терең көңіл бөліп, Орталық Азия халықтарының қолтаңба өнерінің заттарын жинаумен айналысады. Үйленген, 2 қыз, 1 ұлы, 2 немересі бар.