Университет Египет Араб Республикасы мен Қазақстан Республикасы үкіметтерінің арасындағы халықаралық келісім негізінде ашылған. Келісімшарт ҚР Парламентінде  ратификацияланды, 2003 жылдың 2 шілдесінде президент Н.Ә.Назарбаев бекіткен соң заңға айналды.

Оқу орнына ҚР Білім және ғылым министрлігінен лицензия берілген АА       №0000189, мемлекеттік аттестациядан өткен.

  «Нұр-Мүбарак Египет ислам мәдениеті университеті»–Қазақстан Республикасындағы жоғары білімді имамдар, исламтанушылар, дінтанушылар даярлайтын жалғыз арнайы оқу орны.

Университетте осы заман талабына жауап бере алатын дінтанушы, араб тілі мен әдебиеті оқытушылары, аудармашылары даярланады. Бітірушілерге мемлекеттік үлгідегі диплом беріледі.

Университетте Египет пен Қазақстанның мамандарының ынтымақтаса еңбек етуіне жол ашылған. Сондай-ақ үкіметаралық келісім Египеттің оқу, ғылым саласындағы білікті мамандарын шақыртуға мүмкіндік туғызып отыр. Студенттердің араб тілін меңгеру қабілетін арттыру мақсатымен, Египеттің әл-Әзһар, Каир, айн-Шамс, Александрия, Әлмения университеттерінен білікті доктор- профессорлары шақыртылған.

   Университет ректоры М.Ф. Хижази – тек өз елінде ғана емес, күллі араб еліне танымал болған ғалым, академик, профессор. Араб тілінен тыс ағылшын, неміс, француз, еврит тілдерін еркін меңгерген, әлемнің көптеген университеттерінде дәріс берген ұлағатты ұстаз, жиырмаға тарта зерттеу кітаптарының авторы. Германияда магистрлігімен  мен докторлығын қорғаған, Сирия тіл академиясының,  Египет араб тілі академиясының мүшесі.

   Университет проректоры Шамшәдин Керім – филология ғылымдарының докторы, профессор, белгілі арабтанушы ғалым. Фольклортану, араб филологиясы, исламтану салалары бойынша бірнеше кітаптары жарық көрген, 100-ге жуық мақалалары жарияланған, 50-дан астам ғылыми конференцияларға қатысып сөз сөйлеген. 19 жылдан астам уақыттан бері жоғары оқу орындарында оқытушылық, ұйымдастырушылық, басшылық қызметтермен шұғылданып келеді.

 Факультет деканы  Мұхаммад Махфуз ақида, ислами ой-пікір саласы бойынша білікті маман болса, оқу бөлімінің меңгерушісі – ғылым кандидаты Әли Әлмұхамметов дінтану, ислам социологиясы пәндерінен дәрістер жүргізеді. Оқу орнында «Исламтану», «Араб филологиясы», «Гуманитарлық және жаратылыстану пәндері» атты үш кафедра жұмыс істейді. Осы кафедраларға ғылым докторлары  фиһқ маманы Ата ас-Сынбати,  араб әдебиетінің маманы Абдурахман Саад,  педогика, шет тілін оқыту әдістемесінің маманы Шолпан Бәйнеш меңгерушілік жасайды.

        Университетте студенттердің жән-жақтылы білім алуына толық мүмкіндік жасалған. Соның бірі- университет кітапханасы. Университет құрылуымен бірге құрылған кітапхана да қазақ, орыс, араб тіліндегі көркем әдебиеттер, оқу құралдары, қазақ және араб ғұламаларының шығармалары, ғылыми- танымдық әдебиеттер, діни кітаптар болып, кітаптың үлкен қоры сақталған. университетте студенттердің білім қорын арттыру, араб тілін тезден игеруге деген ізденісіне жол ашу мақсатында, кітаптардан сырыт, мол компакт-диск қоры да сақтаулы.

     Университет жанындағы Нұр-Мүбарак мешіті-студенттерге практикалық жақтан жетекшілік ету, уағыз-шариғат айтқызу, белгілі діни қайраткерлермен кездесу өткізу мақсатында жұмыс істеп келеді.  

      Университетте оқығысы келетін және оқып жатқан студенттердің күн санап көбеюіне байланысты, студенттердің тұрмыс мәселелерін шешу мақсаты мен жаңа оқу корпусы мен  студенттер жатақханасы салынуда.

     Студенттердің білім сапасын арттыру үшін, 2008 жылдың 1- қыркүйегінен бастап, Екі шет тілі/араб және ағылшын тілдері/ мамандығы бойынша алғаш рет университетте магистратура ашылып, оқу басталды. Магистранттардың білім деңгейін жоғарылату мақсатында, оларға университет ректоры академик М.Ф. Хижази бастаған тәжірибелі профессорлар мен докторлар сабақ беруде.

Университет студенттеріне Египетте курстардан, машықтанудан өтуге, магистратура мен докторантура білімін тереңдетуге мүмкіндік жасалады.

      Екінші курстан бастап, үздік оқитын студенттер Египеттегі әл-Әзһар, Ескендерия, Әлмения университеттеріне практикаға жіберіледі.

Университетке жаңа оқу жылында төмендегі мамандықтар бойынша студенттер қабылданады:

- «Исламтану» (Ерлер бөлімі);

- «Исламтану» (қыздар бөлімі);

- « Дінтану»;

- «Шет тілі: екі шет тілі»

• (араб, ағылшын тілдері);
• (ағылшын, араб тілдері);

 Магистратура:

-«Шетел филологиясы» (араб, ағылшын тілдері);

-«Дінтану»

   Сырттай бөлім:

- «Дінтану»  қысқартылған бағдарлама бойынша (екінші мамандық алу). 

«Дінтану» және «Шет тілі: екі шет тілі» мамандықтарына мемлекеттік грант беріледі.

 «Исламтану» мамандығы бойынша бітіруші ер азаматтарға «Исламтану бакалавры», қыздарға «Исламтану оқытушысы» және «Тәрбиешісі» академиялық дәрежесі беріледі.

 «Исламтану» мамандығына мұсылмандық парызын өтейтін, дін қызметкері болуды мақсат еткен жастар қабылданады.

«Исламтану» мамандығына емтиханнан тыс сұхбаттасу өтеді.

Талапкерден төмендегі құжаттар талап етіледі:

- Орта білім туралы аттестат    (түпнұсқа);

-  Фотосурет (3х4) 6 дана;

- 086-у үлгідегі медициналық анықтама; 

- жеке куәлік (көшірмесі);

Мекен  - жайымыз:  Алматы қаласы, Әл –Фараби даңғылы, 73;

«Академиялық  қалашығы» аялдамасы;

Байланыс телефондары:

8 (727) 269-51-90 

8 (727) 269-51-97

Факс: 8 (727)  269-51-95

E-MAIL: ..