Рымбаева Роза Қуанышқызы

ДерекнамаМақалаларСуреттер

Рымбаева Роза Қуанышқызы 28.10 1957 жылы Семей, қазіргі Шығыс Қазақстан облысы, Жарма ауданы Жаңғызтөбе станциясында дүниеге келді.

1974 жылы Семейдегі музыкалық училищеге түсіп, мұнда 3 жыл оқиды. Бұдан кейін Алматыдағы театралдық-көркем өнер институтында оқып, оны 1984 жылы тәмамдайды. Алматы қаласындағы театрлық көркемдік институттың музыкалық драмалық комедиясы факультетін бітірген.

1976-1979 жж. Республикалық Гүлдер жастар – эстрадалық ансамблінің солисі, 1977 жылы  «Алтын Орфейді» жеңіп алады.   
Роза Рымбаева - Қазақстанның халық әртісі, Қырғызстанның еңбек сіңірген әртісі, Қырғызстанның еңбек сіңірген өнер қайраткері, Өзбекстанның еңбек сіңірген әртісі. 2005 жылы Ресей елінің астанасы Мәскеуде "Даң аллаңында" Роза Рымбаеваның есімі шет елдік әншілердің алғашқысы болып ашылады. Роза Қуанышқызы 1995 жылдан бастап Темірбек Жүргенов академиясында профессор ретінде дәріс оқиды.

1979 жылы - «Қазақконцерт» бірлестігі жанындағы «Арай» эстрадалық ансамблінің солисі. Әншінің халықаралық белгілі болуы С. Бәйтерековтың «Әлия» әнін орындауынан басталады. 1979 жылы Роза Рымбаева Ыстамбұлда өткен халықаралық әншілер байқауында лауреат атанды, 1983 жылы Кубада өткен «Гала – 83» халықаралық байқауда бас жүлдені жеңіп алады. 29 жасында Қазақстанның халық әртісі  атанады. Оның орындауындағы қазақ композиторлары Т. Ерешевтің «Гүлдене бер, туған жер», Н. Тілендиевтің «Куә бол», Б. Байқадамовтың «Айгөлек», Ж. Тұяқбаевтың «Атамекен», Т. Сарыбаевтың «Отандастар» әндері тыңдаушылардың үлкен ықыласына бөленген. «Бір бала», «Сәулем-ай», «Кебек», «Назқоңыр», «Әгугай» және т. б. сияқты халық әндерін ол өзіндік ерекшелікпен орындайды. Роза Рымбаева сондай-ақ, киноактриса ретінде де танымал. Әли және Мәди атты екі баланың анасы.
 2012 жылы - әнші Жапония, Ресей, Украина т.б алыс - жақын шет елдерге концерттік турнемен шықты.

Content 2
Content 3

Пікір білдіру

Security code
Жаңарту