Қызылағаш ауылына 3 миллион теңге аударды

Наурыздың 20-21-i күндерi Алматыда грек-рим күресiнен КСРО-ның еңбек сiңiрген спорт шеберi, әлем және Еуропа чемпионы, Олимпиада ойындарының жүлдегерi, елiмiздiң даңқты палуаны Дәулет Тұрлыхановтың жүлдесiне арналған республикалық турнир өттi. Елiмiздiң жас палуандарының арасында өткен турнирге Қазақстанның түкпiр-түкпiрiнен келген 200-ге тарта жас жеткiншек екi күн бойы боз кiлемде өз өнерлерiн ортаға салды.

Жарыстың ашылу салтанатында сөз алған Дәулет Болатұлы бұл жарыс елiмiздегi жас палуандардың шебер­лiгiн арттырумен қатар тәжiрибелерiн шыңдай түсетiнiн алға тартты.

 Сәуiр айының соңында жасөспiрiм палуандарымыз Ташкентте Сингапурде өтетiн Олимпиада ойындарының жолдамаларын сарапқа салады. Сол сында бақ сынайтын жас палуандарымыз осы турнирде iрiктелiп алынады. Сондай-ақ, жарыстың ашылу салтанаты кезiнде даңқты палуан өз атынан және де Қазақстанның күрес қауымдастығы атынан Алматы облысы, Ақсу ауданы, Қызылағаш ауылында болған су тасқынынан зардап шеккен азаматтарға 3 миллион теңге көлемiнде қаржылай көмек көрсететiн атап өттi. “Қазақтың қабырғасын қайыстырған апатқа Қазақстанның кез келген азаматы қол ұшын беруге дайын болуы керек”, – дейдi Д.Болатұлы.

Жарыстың бiрiншi күнi жас пал­уандар бес салмақ дәрежесi бойынша белдестi. Қазақстанның күрес қауымдастығы басшыларының айтуынша, алғашқы күнi өткен салмақ дәреже­лерiнiң жеңiмпаздары, яғни, 42, 50, 58, 69, 85 келi салмақта жеңiп шыққандар Ташкентте өтетiн лицензиялық жарысқа қатысады.

42 келi салмақта белдескен пал­уандардың арасында ҚР бiрiншiлiгiнiң күмiс жүлдегерi Ерлан Исмақов пен Қазақстанның бiрнеше дүркiн чем­пио­ны Ақан Баймағамбетовтiң шоқтығы биiк едi. Мамандар 41 келi салмақтың бас жүлдесi осы екi палуанның арасында өтуi мүмкiн екенiн топшылаған-ды. Алайда, боз кiлемге шыққан палуандардың бәсi мамандардың ойын жоққа шығарды. Жарыстың бас жүлдесiнен бiрден-бiр үмiткер санал­ған Ерлан Исмақов алғашқы бел­десуiн­де-ақ оңтүстiкқазақстандық Нұржан Қарабаевтан ұтылып қалса, Ақан Баймағамбетов 1/8 финалда Дәулет Дәрiбаевқа жол берiп, жарыс қорытындысы бойынша тек қола жүлденi ғана қанағат тұтты. Батысқазақстандық палуан Айбек Мардановтың турнирге толыққанды дайындықпен келгенi көрiндi. 1/8 финалында астаналық Жандәулет Сатовтан басым түскен Айбек ширек финалда Алматы облысының палуаны Iлияс Батыхановтан бағын асырды. Жартылай финалда Ерлан Исмақовты ұтқан Нұржан Қарабаевты қапы қалдырды. Финалда қызылордалық Нұрдан Сәтмағамбетовтi жеңген Айбек Дәулет Тұрлыханов турнирiнiң жеңiмпазы атанды.

50 келi салмақта елiмiздiң 22 пал­уаны күрестi. Бұлардың арасынан Жамбыл облысының палуаны Абылай Медеуовтiң аты озды. Абылай финалда Алматы облысының палуаны Берiкбол Тоқтарбектен айласын асырды. 50 келi салмақтың қола жүлдесiне Дастан Өскенбаев (Жамбыл обл) пен Ахмет Iзбасқан (Қызылорда) ие болды.

58 келi салмақта Қазақстанның бiрнеше дүркiн чемпионы оңтүстiк­қазақстандық Жасұлан Өмiрзақовқа тең келер ешкiм табылмады. 69 келiде биылғы Қазақстан бiрiншiлiгiнiң жеңiмпазы Әбунасыр Өмiрзақ жеңiске жеттi. Ол жартылай финалда өзiнiң бас­ты қарсыласы саналған ҚР бiрiн­шiлiгiнiң күмiс жүлдегерi тараздық Жәнiбек Қандыбаевты ұтып, финалда “Дәулет” спорт мектебiнiң палуаны Азамат Дүмбiровтен айласын асырды. 85 келi салмақта Абзал Маратұлы қарсылас шақ келтiрмедi. Финалда Қазақстан чемпионы жаркент­тiк Елдар Дәпеновтi жеңген Абзал Таш­кент­те өтетiн лицензиялық жарысқа жолдама алды.

Жарыстың екiншi күнi 46, 54, 63, 76 және 100 келi салмақтағы палуандардың арасында жеңiмпаздар мен жүлдегерлер анықталды. Мейрамбек Айна­ғұлов (46 келi), Мақсат Әйтпеков (54 келi), Дәулет Батырбеков (63 келi), Рашид Качиев (76 келi) және Азат Шаукировтар өз салмақтарының алды болып, Дәулет Тұрлыханов атындағы турнирдiң жеңiмпаздары деген атқа ие болды. Турнирдiң жабылу салтанаты кезiнде жеңiмпаз бен жүлдегер атан­ған спортшылар арнайы мақтау қағазымен және ұялы телефон, сандық фотоаппарат, соңғы үлгiдегi компьютермен мараппатталды. Болат Тұрлыханов атындағы қордың жетек­шiлерi де жарыстың үздiк спортшыларына арнайы сыйлықтар табыс етттi.

Дәулет Тұрлыханов жүлдесi үшiн өткен республикалық турнирдiң жеңiмпаздары:

42 келi: Айбек Марданов (БҚО); 46 келi: Мейрамбек Айнағұлов (Ақтөбе);50 келi: Абылай Медеуов (Жамбыл обл); 54 келi: Мақсат Әйтпеков (“Дәулет” спорт мектебi, Алматы қ); 58 келi: Жасұлан Өмiрзақов (ОҚО); 63 келi: Дәулет Батырбеков (ОҚО); 69 келi: Әбунасыр Өмiрзақ (Жамбыл обл); 76 келi: Рашид Качиев (ОҚО);

85 келi: Абзал Маратұлы (Астана); 100 келi: Азат Шаукиров (СҚО);

Дереккөз: Жас Алаш республикалық газеті

№24 (15482) 26.03.2010