Байқоңыр

БАЙҚОҢЫР. 2 сәуір. ҚАЗАҚПАРАТ - Қазғарыш басшысы Талғат Мұсабаев және Роскосмос басшысы Анатолий Перминов бейсенбі күні, 1 сәуірде, «Байқоңыр» кешенінде өткен жұмыс кездесуінің шеңберінде бұқаралық ақпарат құралдары үшін қысқаша мәлімдеме жасады. ҚР Ұлттық ғарыш агенттігінің (ҰҒА) төрағасы атап өткендей, ғарыш айлағындағы ынтымақтастық мәселелерінде Қазғарыш пен Роскосмос арасында болмаған түсінбеушіліктер туралы бір қатар теріс материалдардың баспаға шығуы болды. «Мысалы, кейбір ресейлік БАҚ-тарда жарияланған және біздің елдегі олардың әріптестері қолдаған Қазақсан Ресейге Байқоңырда ғарыш жобаларын жүзеге асыруға кедергі жасап отыр деген пікірі қоғамда түсінбестік туғызды, қазір осы мәселені алып тастау мүмкіндігі туып отыр», - деді Т. Мұсабаев. Федералдық ғарыш агенттігінің басшысы Анатолий Перминов, қазіргі таңда «Байқоңыр» ғарыш айлағында Ресей мен Қазақстанның өзара қатынастары жөнінде барлық нормативтік-құқықтық база бар екенін атап өтті. «Түрлі құжаттарға енгізілетін нақтылаулар да бар, біз «Байқоңыр» кешені бойынша кіші комиссияның екі төрағасы ретінде осы мәселелерді шешеміз». «Байқоңыр» кешеніндегі бірлескен жұмыс туралы айта отырып, Роскосмостың басшысы Ресейдің ғарыш айлағынан жалға беру мерзімі аяқталмай, яғни 2050 жылға дейін кетпейтіні туралы тағы да атап өтті. «Дүниежүзінің барлық ұшыру қызметтерінің нарығы Байқоңырға бағытталған. Соңғы 10 жылдың ішінде ол ғарыш аппараттарын коммерциялық және әскери әрі қосі мақсаттағы ұшыру саны бойынша әлемнің негізін құрайтын ғарыш айлағы болып табылады. Бұл - біздің ортақ еңбегіміз. Басқа елдерге мұндай ынтымақтастық деңгейіне қол жеткізуді тек тілеуге болады», - деді ол. Қазғарыш төрағасы Т. Мұсабаев әңгіменің соңында Қазғарыш пен Роскосмос арасындағы қатынастарда ешқандай жіктелу болмағанын айтып өтті. «Мен өз тарапымнан, Ұлттық ғарыш агенттігінің басшысы ретінде, біздің ынтымақтастығымыз бен әріптестігіміз жалғасу үшін қолымнан келгеннің барлығын жасаймын. Әсіресе, әлемдік космонавтиканың бесігі әрі ғарыш саласында біздің елдеріміздің бүгінгі ынтымақтастығының негізі болып табылатын «Байқоңыр» ғарыш айлағында», - деді Қазғарыш басшысы. Т. Мұсабаев Қазақстан мен Ресейдің «Байқоңыр» кешенінде «Бәйтерек» ғарыш зымыран кешенін құру, Қазақстан Республикасының «ҚазСат-2» кезекті спутнигін құру және ұшыру сияқты бірлескен ғарыш бағдарламалары, ғарыш ғылымы саласындағы басқа жобалар, Қазақстанның «Ультрафиолет» халықаралық жобасына қатысуы туралы журналистерге айтып берді. «2010 жылғы 27 наурызда Қазақстан Республикасының Президенті Нұрсұлтан Әбішұлы Назарбаевтың Ұлттық ғарыш агенттігін құру туралы Жарлығының шыққанына үш жыл толды. Қазақстан Республикасының өз ғарыш инфрақұрылымы болған жоқ, сондықтан ел басшылығы ұлттық ғарыш саласын құру мақсатын қойды. Егер мемлекет жоғары дамыған, өркениетті болуға, өзінің ғарыш саласының болуына ұмтылса, мұнда мен еш жамандық көріп тұрған жоқпын. Бұл тұжырымдама Ресей Федерациясының саясатына және істеріне қарсы келмейді. Бұдан басқа, біз Ресей Федерациясын бас және стратегиялық әріптес ретінде көреміз, Роскосмос - ұлттық ғарыш саласын және ғарыш қызметі саласында нақты жобаларды құру ісінде біздің негізгі стратегиялық әріптестесіміз», - деп Т. Мұсабаев баспасөз алдында өз сөзін аяқтады. Дереккөз: «Қазақстан Ғарыш Сапары» Ұлттық компаниясының ресми сайты 05.04.2010